楼主

panzer， 59岁， 172cm， 香港 香港

发布于2019-01-28 08:51

损友读罢上星期的「随嗒金句」，即致电小弟问「仲有无货？」
当然有！有些是随嗒自己「领嘢」后悟出的真理，有些是高人向他的提点，我通通存了档，一得闲就看看，警惕自己不要重复随嗒的犯错！
（1）睇清一个人无必要去揭穿，讨厌一个人亦无必要去反面。
（2）唔好赌天意，唔好猜人心，因为，天意你赌唔起，人心，你猜唔透。
（3）呢个世界上最唔缺嘅系玻璃心，所以，做人太敏感反而会伤到自己。
（4）所有嘅嘢都系会喺你放弃之后变好！
（5）追唔上嘅唔好追，拎唔起嘅放低，睇唔惯嘅删除。
（6）生活，就系一边拥有、一边失去；一边选择、一边放弃。
（7）幸福，往往系要由痛苦嚟彰显嘅。
（8）高度唔够，睇到嘅都系问题；格局太小，纠结嘅永远都系鸡毛蒜皮。
（9）逆境时切记忍耐，顺境时切记收敛，得意时切记看淡，失意时切记随缘。
（10）人生就系经历︱经历过痛苦先知道幸福，经历过失去先识得珍惜，经历过严寒先知道春暖。
（11）过来人经常话经验系好重要，但更重要系，要识得自己郁手去收集经验。
（12）学会放过别人，但千祈唔好轻易放过自己，呢一点，我哋总系相反咁做。
（13）当你好嬲嘅时候，千祈唔好同亲人、爱人讲啲恶毒嘅说话，因为，讲过嘅嘢系收唔番嘅。
（14）成功同幸福嘅定义，唔系由人哋把口讲你知，而系要去自己感受，因为，人哋唔系你。
（15）人，要有遥不可及嘅梦想，但亦要有脚踏实地嘅本事。
（16）父母，系世界上最爱锡你嘅人，唔可以伤害佢哋。
（17）远离身边嘅负能量怪兽，因为，佢哋迟早一日会拖冧埋你。
（18）多啲睇吓生活条件唔及你但又比你坚强嘅人，你就会识得咩叫做知足。
（19）唔系所有人都可以掏心掏肺讲心底话嘅，包括朋友同爱人。
（20）唔好成日抱怨，因为生活系唔会因为抱怨而变得更好。
（21）千祈唔好贪便宜买假嘢，因为假嘢永远解决唔到你嘅最终需求。

发表评论（2）